Қарағанды облысында соғыс ардагерлеріне 1,5 миллион теңгеден берілді

Қарағанды облысында соғыс ардагерлеріне 1,5 миллион теңгеден берілді. Жеңіс күніне орай тағайындалған сыйақы күні кеше олардың жеке есепшотына аударылды. Қазір өңірде 13 ардагер бар. Ең жасы 93-ке келген. Тарихи деректерге үңілсек, 1941-1945 жылдары Қарағанды аймағынан барлығы 45 мыңдай адам соғысқа аттанып, 18 мыңы майдан даласында шейіт болған. Сондықтан ерен ерліктің үлгісін көрсеткен жаужүрек сарбаздарға қандай құрмет көрсетсе де лайық, дейді бүгінгі буын. Біржолғы материалдық көмек, соғыс ардагерлеріне теңестірілген басқа да санаттағы тұрғындарға көрсетіледі.

Ермек Нұқсиев, Жұмыспен қамтуды үйлестіру және әлеуметтік бағдарламалар басқармасының бөлім басшысы:

37 Ленинград тұтқындары бұрыңғы, сосын 11 концлагерь тұтқындары бар. Сонымен қатар төрт мыңнан аса тыл еңбеккерлері бар. Тыл еңбеккерлері 30 мың теңгеден материалдық көмек алады. Ленинград тұрғындары 60 мың теңгеден, концлагерь тұтқындары 100 мың теңгеден материалдық көмек алатын болады.

Руслан Нұрланұлы