БҚО-ның Казталов ауданында төтенше жағдай жарияланды

Батыс Қазақстан облысында тағы бір аудан - Казталов ауданында төтенше жағдай жарияланды. Орал қаласы мен барлығы 5 ауданда қауіп сейілген жоқ. Қазір трансшекаралық Қараөзенге Ресейдің Приузенск су қоймасынан секундына 260 текше метр су келіп жатыр. Өзен деңгейі қауіпті межеге жақындады. Егер арнасынан асса, Жалпақтал, Қараөзен ауылдарын су басу қаупі бар. Қазір жағалау бекітіліп, кезекшілік ұйымдастырылған. Жағдай қатаң бақылауда.

Ардақ Мұратқызы