Жаңалықтарды Telegram арнамыздан оқыңыз!Бүгін Бейжіңде Қытай парламентінің жыл сайынғы сессиясы өз жұмысын аяқтады. Оған елдің түкпір-түкпірінен 3 мыңға жуық делегат қатысты. Жиын соңында президент Си Цзиньпин сөз сөйлеп, ұлттық қауіпсіздікті нығайтып, әскери қуатты арттырып, Тайваньды елдің материктік бөлігіне қосу қажеттігін атап өтті. Сонымен қатар отырыста елдің жаңа премьері болып 63 жастағы Ли Цянь тағайындалды. Ол басқаратын кабинетке 26 министр кіреді. Олардың екеуі – әйел. Және де президент Си Цзиньпин бұрыннан қалыптасқан саяси дәстүрді бұзып, үшінші мерзімге қалып, әлемнің екінші экономикасын тағы 5 жыл басқаратын болып отыр. Тағы бір айта кететін жайт - сессия барысында елдің жалпы ішкі өнімін биыл 5 пайызға өсіру жоспары да жарияланды.
Арыстан Рысбек
