Жаңалықтарды Telegram арнамыздан оқыңыз!
Жетісу облысында күн күрт жылынып еріген қар суы Қызылжар ауылына кірді. Бірнеше ауланы су басып, тұрғындарды әбігерге салды. Кербұлақ ауданындағы егіс алқаптарынан келген судың нөпіріне арықтар тосқауыл бола алмады. Қарғын су бірнеше аулаға жайылғанымен, үйлер аман. Қазір су деңгейі төмендеген. Еріген қар суы Байғазы өзеніне қарай қалыпты аға бастады. Төтенше жағдайдың алдын алуға 60-тан астам адам 11 техника жұмылдырылды. Алдағы күндері өңірде ауа райының температурасы +15 градустан жоғары болып, жаңбыр жауады деп күтілуде.
Қуаныш Қанатұлы
