Жаңалықтарды Telegram арнамыздан оқыңыз!Үкіметте транскаспий халықаралық көлік бағытын дамыту жөніндегі шаралар қаралды. Мысалға, республика аумағы бойынша транзиттік жүктердің өту мерзімі 12 күннен 6 күнге дейін, яғни өткен жылмен салыстырғанда екі есеге қысқарғаны атап өтілді. Сонымен қатар 2023 жылдың қорытындысы бойынша бұл көрсеткішті 5 күнге дейін жеткізу жоспарлануда.
Сондай-ақ, Үкіметте Әлихан Смайылов Шетелдік инвесторлар кеңесінің аралық отырысын өткізді. Онда Қазақстандағы өнеркәсіп пен көлік саласын цифрлық трансформациялау мәселелеріне арналған 35-ші пленарлық отырысына дайындық барысы пысықталды. Сондай-ақ жұмыс топтарының есептері қаралды. 2022 жылғы 9 айдың қорытындысы бойынша тікелей шетелдік инвестициялардың жалпы көлемі 18 пайызға өсіп, 22 млрд доллардан асты. Жалпы өткен жылы шетелдіктердің қатысумен 46 ірі инвестициялық жоба іске қосылды.
