Ақмола облысында мектептегі күзетшілерге талап өзгереді

Ақмола облысында мектеп және басқа да білім мекемелеріндегі күзетшілерге қойылатын талап өзгереді. Енді қызметкерді жұмысқа алу кезінде олардың жасы, физикалық дайындығы және төтенше жағдайда өзін-өзі ұстай білуі ескеріледі. Облыста 800-ден астам білім беру мекемесінің 25 пайызында ғана мамандандырылған күзет бар. Барлық мектепте бейнебақылау камералары орнатылған. Алайда, олардың тең жартысы полицияның жедел басқару орталығына қосылмаған.