Жаңалықтарды Telegram арнамыздан оқыңыз!Еліміздегі ірі қалаларда көпқабатты үйдің ауласына шлагбаум орнату әдетке айналды. Алайда ол арнайы қызмет көліктеріне кедергі келтіреді. Сондықтан Өскемен қаласы әкімдігі шлагбаумды орнатудың заңдылығын тексеріп, техникалық ережеге сай келмегендерін алып жатыр. Алайда кейбір тұрғындар әкімдік шешімімен келіспейді.
Өскеменде соңғы жылдары көпқабатты үйлер тұрғындары аулаға кірер жерге жаппай шлагбаум қоя бастаған. Алайда оның пайдасы мен зияны бірдей болып тұр.
Әуез Талғатұлы, қалалық төтенше жағдайлар басқармасының аға анықтаушысы:
Шлагбаумдар арнайы өрт сөндіру техникасының дауысына, дабылына ашылу керек қой. Жаңа көрдіңіздер, өрт сөндіру техникасы келіп, арнайы сигналын қосқан кезде шлагбаум ашылмады.
