Батыс Қазақстан облысында заңсыз тауар сатқандар ұсталды

Батыс Қазақстан облысында темекі мен қолдан жасалған алкоголь өнімдерін сатқан азамат ұсталды. Ол былтырғы жылдың қараша айынан бастап қаңтардың ортасына дейін шетелден әкелінген тауарын көтерме сауда орындарына заңсыз өткізіп жүрген. Жедел іздестіру іс-шаралары нәтижесінде екі өлшемді цифрлық таңбасы жоқ 90 мың қорап темекі және пластик ыдыстарға құйылған 320 литр қолдан жасалған арақ-шарап тәркіленді. Заңсыз тауардың жалпы құны 57 млн теңгеден асады. Тексеру кезінде заңсыз темекіні сатумен айналысқан адамдар мен қолма-қол ақша қозғалысы туралы мәліметтер де анықталған.

Руслан Нұрланұлы