Елордада 100 мың оқушыға арналған 25 мектеп бой көтереді

Астанада "Жайлы мектеп" жобасы аясында 100 мың оқушыға арналған 25 білім ошағы бой көтереді. Мектептердің құрылысы биыл басталады. Бұл туралы Мемлекет басшысының қабылдауында болған қала әкімі айтты.

Ол маңызды инфрақұрылымдардың жай-күйі туралы да есеп берді. Биыл ауыз су, жылумен қамтамасыз ететін бірқатар нысандардың құрылысын аяқтау жоспарланып отыр. Жеңіс Қасымбектің сөзінше елорда әкімдігі әлеуметтік нысандар салуға, ұзаққа созылған құрылыстарды аяқтауға, шағын және орта бизнесті қолдауға бағытталған жүйелі жұмыс жүргізіп жатыр. Кездесу соңында Қасым-Жомарт Тоқаев Астананың әлеуметтік және инженерлік инфрақұрылымын одан әрі дамыту және қаланы абаттандыру жөнінде бірқатар тапсырма берді.