Жаңалықтарды Telegram арнамыздан оқыңыз!Шымкентті биыл жыл бойына жауатын қар бір тәулік ішінде басып қалды. Тәуліктен астам уақыт тоқтаусыз жауған ақ ұлпаның қалыңдығы 40 санитметрден асып кеткен. Мегаполис территориясының шеткері жақтары таулы аймақта болғандықтан көшкін болуы мүмкін 12 қауіпті жер анықталды. Одан бөлек тағы қар ерісе 29 жерде сел жүру қауіпі туындайды. Бұл аумақтарда 95 нысан орналасқан, сондай-ақ 400-ге тарта адам өмір сүреді. Қазір қауіпті маңды «Қазселденқорғау» мекемесі мамандары мен төтенше жағдай қызметкерлері бақылауға алған.
Марат Өсербаев, «Қазселденқорғау» ММ қалалық Өндірістік пайдалану бөлімшесінің басшысы:
Соған байланысты комиссиядағылар келіп, қорытындыларын берді. Қорытындысында тіреу жұмыстары орнатылуы керек екен. Оны біздер тиісті мекемелерге қаражат бөлуді сұрап хат жолдадық.
Ғани Қалмаханов
