Жаңалықтарды Telegram арнамыздан оқыңыз!Шымкентте түрмеге сәлемдемені дронмен жеткізбек болғандар ұсталды. Әуеде ұшатын қондырғы арқылы қауіпсіздігі жоғары мекеме аумағына түскен затты күзетшілер бірден байқаған.
Оқиға орнына келген жедел-тергеу тобы дронмен бір орам жеткізілгенін анықтаған. Оның ішіндегі өзгеше иісі бар жасыл түсті зат арнайы сараптамаға жіберілді. Жедел топ қызметкерлері бейнебақылау камералар көмегімен дрон ұшырылған мекен-жайды бірден тапты. Нәтижесінде оператор мен жүргізуші жасырынған үйден екі дрон мен өзге де заттар тәркіленген.
Қазір тапсырысты әуемен жеткізіп берушілердің ісімен тергеушілер айналысып жатыр. Олар заңға сәйкес, 5 жылдан 10 жылға дейін бас бостандығынан айырылуы мүмкін.
Ғани Қалмахан
