Жаңалықтарды Telegram арнамыздан оқыңыз!Солтүстік Қазақстандағы «Қызылжар су» коммуналдық мекемесіне 8,5 млн теңге айыппұл салынды.
Петропавл қаласын сумен қамтамасыз етіп, кәріз желілеріне жауапты кәсіпорында экологтар тексеру жүргізген. Мекеме жұмысында бірқатар олқылық анықталды. Солардың бірі - кәріз суының құрамында мырыш табылған.
Мамандардың айтуынша, улы зат ауаға таралады. Қоршаған ортаға келтірілген зиян – бірінші, яғни ең жоғары деңгей деп бағаланып отыр. Кәріз суында мырыштың қайдан пайда болғаны анықталып жатыр.
Эльмира Кәленова
