Елде қарызын төлемеген борышкерлер саны 7 млн адамға жетті - «Qazaqstan» Ұлттық телеарнасы

Елде қарызын төлемеген борышкерлер саны 7 млн адамға жетті

20.12.2022

Елімізде несие және басқа да қарызын төлемей жүрген борышкерлер саны 7 млн адамға жетті. Олардың қатарында несиеден бөлек коммуналдық төлем мен алимент төлемегендер бар. Бұл туралы қаржы министрінің орынбасары Ержан Біржанов айтты.

Қазір «Азаматтардың төлем қабілетін қалпына келтіру және банкроттығы туралы» заң жобасы қызу талқыланып жатыр. Ол заң банкрот болған азаматтарға 5 жылға дейін несие бермеуді көздейді. Сондай-ақ, жағдайы қиындай түссе 7 жылдан кейін тағы банкроттыққа өтініш бере алады. Заң қабылданса борышкерді банкрот деп жариялаудың 3 түрі енгізілмек. Қазір құжат жобасына ұсыныстар енгізіліп, мәжілістің екінші оқылымына жіберілді.

Ержан Біржанов, ҚР Қаржы министрінің орынбасары:

Азаматтардың қаржылық қабілеттерін арттыратын заң жобасы көп сұрақтарды шешуге бағытталған. Енді заңнама жан-жақты қаралып, осы жұмыс топтарында, мәжілісте, сенатта қаралып, халыққа қолданылатын жеңіл де жақсы заң болады деп ойлаймыз.


Хабарламаларға жазылу