Қазақстанда халық саны 17 млн 733 мың адамнан асты - «Qazaqstan» Ұлттық телеарнасы

Қазақстанда халық саны 17 млн 733 мың адамнан асты

18.05.2016
Қазақстанда халық саны 17 млн 733 мың адамнан асты

2016 жылдың 1 наурызындағы санақ бойынша еліміздегі халық саны 17 млн 733,2 мың адамға жетті, оның ішінде 10 млн 113,8 мыңы (57%) қалаларда, 7 млн 619,4 мыңы (43%) ауылдарда тұрады. 2015 жылдың 1 сәуірімен салыстырғанда халық саны 257,1 мың адамға немесе 1,47 пайызға артты, деп хабарлайды BNews.kz.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2016 жылдың қаңтар-наурызында туғандар саны 99,4 (2015 жылдың қаңтар-наурызында – 92,1) мың адамға жеткен, бұл 2015 жылдың қаңтар-ақпанымен салыстырғанда 7,9%-ға көп. Туу кезектілігі бойынша бірінші, екінші және үшінші туғандардың үлес салмағы сәйкесінше 31% (32%), 29% (29%) және 19% (18%).

Осы кезеңде қайтыс болғандар саны – 34,4 (33,2) мың адам, бұл 2015 жылдың қаңтар-наурызымен салыстырғанда 3,6 пайызға көп.

2016 жылдың қаңтар-наурызындағы есеп бойынша республикада 1 жасқа дейінгі 1033 (847) нәресте өлімі тіркелді. 2015 жылдың қаңтар-наурызымен салыстырғанда 1 жасқа дейінгі шетінеген нәресте саны 22 пайызға көбейді.

Көші-қон полициясы органдарының деректеріне сүйенсек, елімізден көшкендер саны 20,3 пайызға көбейіп, 5434 адамға жетті, көші-қон айырымы – 2381 адам. Еліміздегі негізінен ТМД мемлекеттерінен қоныс аударушылар көп. Өңіраралық көшіп-қонушылардың үлесіне еліміздің жалпы ішкі көшіп-қонушылар санының 42,5 пайызы тиесілі. Өңіраралық көші-қонның оң айырымы Алматы (8586 адам) қаласында және Ақмола (320 адам), Қостанай (318 адам), Маңғыстау (291 адам), Павлодар (280 адам), Атырау (83 адам) облыстарында қалыптасты.

Хабарламаларға жазылу