Қазақстан-АҚШ арасында тұрақты сауда байланысы орнауы мүмкін

Қазақстан мен АҚШ арасында тұрақты сауда байланысын орнату қажет. Бұл ұсынысты Қазақстандық делегация Вашингтонда өткен екіжақты стратегиялық әріптестік диалогы аясында көтерді.

Сыртқы істер министрінің бірінші орынбасары Қайрат Омаров пен АҚШ Мемлекеттік хатшысының Оңтүстік және Орталық Азия істері жөніндегі көмекшісі Дональд Лу екіжақты қарам-қатынасты дамыту мәселелерін ортаға салды. Платформа екіжақты және аймақтық мәселелерді талқылау және ортақ жобаларды ілгерілету үшін құрылған. Ядролық қаруды таратпау, терроризмге қарсы күрес пен қауіпсіздік саласындағы ынтымақты тереңдету маңызды. Энергетика мен сауда инфрақұрылымын әртараптандыру, климаттың өзгеруі мен қоршаған ортаны қорғау секілді бағыттар қамтылады.

Жалғас Сәдібек