Жаңалықтарды Telegram арнамыздан оқыңыз!
Америка Құрама Штаттарында биыл тұмауға шалдығып, ауруханаға түскен науқастардың саны күрт өсіп отыр. 8 млн 700 мыңдай адам вирусты жұқтырса, олардың 78 мыңнан астамы ауруханада жатыр. Елдің ауруларды бақылау және алдын алу орталығының мәліметінше, 4500 адам маусымдық тұмаудан қайтыс болған.
Бұл орталық азаматтарды шұғыл түрде екпе алуға үндеп отыр. Суық ауа райына байланысты адамдар мерекелік шараларды ашық ауада емес, бір-бірінің үйіне қонаққа барып тойлайды. Дәрігерлердің сөзінше, тұмаудың тез таралуына әсер етіп отырған негізгі факторлардың бірі осы.
Арай Төлеген
