Сайлау заң аясында өтіп жатыр

«Партиялық емес байқау» орталығы атынан Ақмола облысында 1400 байқаушы жұмыс істеп жатыр. Облыстағы барлық 717 сайлау учаскесі қамтылған. Байқаушылардың барлығы арнайы оқу курсынан өткен. Өздерінің міндеттерін, құқықтарын толық біледі, - дейді облыстық филиалдың жетекшісі. Көкшетаудағы №41 сайлау учаскесінде де байқаушылар жұмыс істеуде. Олардың айтуынша, тұрғындар дауыс беруге белсенді келіп жатыр. Облыста өзге де ұйымдардың атынан келген байқаушылар бар.

Ерлан Закирьянов, Партиялық емес байқау орталығының облыстық филиал жетекшісі:

Сайлаудың алдында біз өзіміз семинар өткіздік. Барлық өңірлерге бардық. Бізде Ақмола облысында 20 аудан, қалалық өңірлер бар, соның барлығысына барып өткіздік. Белсенді қатысып жатыр. Қазіргі уақытта ешқандай заңға қайшылық, бұзушылық, жаңағы әкімшілік жағынан ешқандай болған жоқ, тіркелген жоқ.