Басты Жаңалықтар Сайлауға кеншілер белсенді қатысуда

Сайлауға кеншілер белсенді қатысуда

20.11.2022 09:00

Қарағандыдағы 8 көмір шахтасы мен 6 ашық өндіріс ошақтарының 13 500 кеншісі сайлауға белсенді түрде қатысып жатыр.

Олар таңертеңнен өз сайлау учаскелеріне барып дауыс беріп жатыр екен. Тіпті жұмыс ауысымына түсер алдында ертемен үлгеріп, таңдау жасап жатқандары да бар көрінеді. Нұрлыбек Талықбаев та сайлау учаскесіне отбасымен бірге ертемен барыпты. Бүгінгі науқан ел келешегін айқындау үшін маңызды саяси қадам,-дейді кеншілер.

Жер астындағы қауіпті де, ауыр еңбекте тер төгіп, миллиондаған тонна қара алтынды қыр басына шығарып жүрген жандардың ел экономикасын дамытуға қосып жүрген үлесі зор.

Нұрлыбек Талықбаев, кенші:

Бүгін енді әрине таңертең тұрып, сайлау учаскемізге барып, дауысымызды беріп, өзіміз таңдаған кандидатымызға. Бүгін енді маңызды күн. Енді міне жұмысқа бара жатырмыз шахтамызға. Еліміз аман болсын, жұртымыз тыныш болсын, аспанымыз ашық болсын!

Руслан Нұрланұлы

Бөлісу