Ақтаудағы сайлау учаскелері сайлаушыларды қабылдауға дайын

Ақтауда тұрғылықты мекен-жайы анықталмаған тұрғындар да дауыс бере алады. Осы мақсатта сайлау күні қала бойынша 5 учаскеде Халыққа қызмет көрсету орталығының мамандары жұмыс істейді. Сондай-ақ сайлау кезінде мүгедектерге де ерекше көңіл бөлінбек. Олар үшін 7 инватакси тегін қызмет көрсетеді.

Ал барлық сайлау учаскесінде арнайы орындар әзірленіп, сурдо-аудармасы бар роликтер, арнайы трафареттер қойылды. Саяси науқанға Ақтау қаласы бойынша 83 сайлау учаскесі дайын. Оның алтауы тұрғындардың көптігіне байланысты жаңадан ашылған. Шаһарда 149 мыңға жуық дауыс беруші бар.

Ерғали Іскендіров, Ақтау қалалық сайлау комиссиясының төрағасы:

Арнайы дерекқор базасынан таба алмаған жағдайда, еш жерде тіркелмеген деген. Сол арнайы 5 учаскенің қайсысы жақын, сол жерге барып, сол ғимаратқа тіркейді 1 күнге. Барған учаскесінде дауыс беруге мүмкіндік туып отыр.

Аягөз Оралқызы