Жаңалықтарды Telegram арнамыздан оқыңыз!Оралда керамикалық кірпіш зауытының құрылысы аяқталды. «УэстГруп» серіктестігі инвестиция салған жаңа жобаның құны - 3 млрд теңге. Жылына 30 млн дана кірпіш шығарады. Қазір өндіріске қажет құрал-жабдықтар орнатылып жатыр. Жарық шамдары, электр жәшіктер, байланыс жүйелері де іске қосылуда. Зауытта 40 адам жұмыс істемек. Технологиялық желі толық автоматтандырылған.
Асылбек Есенғалиев, жұмысшы:
Бүгінгі таңда зауыт құрылысында электр желілері тартылып жатыр. Электр қозғалтқыштары қойылып, барлық өндірістік аппараттар, станоктар орын-орнына қойылып, қосылып жатыр.
Кәсіпорын келер жылы толық қуаттылығымен жұмысын бастайды. Шығарылатын өнім ішкі және сыртқы нарыққа бағытталған.
Ришат Бареев, кәсіпорын директоры:
Керамикалық кірпіштің басқасынан басты айырмашылығы - бұл экологиялық таза өнім. Құрамында әк, құм жоқ. Тек саз бен су ғана бар. Сазды осы зауыттың маңындағы карьерден аламыз. Ол жерді мемлекеттен жалға алдық.
Ардақ Мұратқызы
