Депутат: Семей қаласы жылусыз қалуы мүмкін - «Qazaqstan» Ұлттық телеарнасы

Депутат: Семей қаласы жылусыз қалуы мүмкін

13.10.2022

Семей қаласы жылусыз қалуы мүмкін. Сенат депутаты Айнұр Арғынбекова Абай облысының ескірген жылу-электр орталығы жылыту маусымында тоқтап қалуы мүмкін екенін айтып, Премьер-Министрге сауал жолдады. Сенатордың сөзінше, тозығы жеткен жергілікті жылыту орталығы жөнделмесе, тұрғындардың денсаулығы мен өміріне қауіп төнеді. Аймақтағы коммуналдық кәсіпорынның қарызы да шаш етектен. Қазір, жаңадан құрылған облыста әлеуметтік маңызы бар осындай нысандарды жөндеуге қаржының жоқтығы қолбайлау болып отыр, дейді депутат.

Айнұр Арғынбекова, ҚР Парламенті Сенатының депутаты:

Биылғы 1 қазандағы жағдай бойынша «Жылукомунэнерго» -ның несие қарызы 2,9 млрд теңгеге жеткен, оның ішінде жалақы бойынша қарыз – 318 млн теңге. Түскен барлық қаражат жалақы төлеуге жұмсалады. Жылыту маусымының үзіліп қалу қаупі бар, бұл климаты қатал аймақтағы халықтың өмірі мен денсаулығына қауіп төндірелі тұр. Үкіметінің резервінен 1,9 млрд теңге қаржы бөлу мәселесін қарауды сұраймын.


Хабарламаларға жазылу