Жаңалықтарды Telegram арнамыздан оқыңыз!«ЭКСПО-2017» көрмесінде Димаш Құдайбергеновтың жеке концерті өтеді. Онда жас талант әйгілі әнші Лара Фабианмен бірге ән шырқайды. ЭКСПО көрмесінде өтетін осы және өзге де шаралар жайлы бүгін Мәдениет және спорт министрі мәлімдеді.
Арыстанбек Мұхамедиұлының айтуынша, «Қазанат» ипподромында «Этноауыл» кешені орналасады. Қыркүйек айының басында «Ла Скала» театры бірнеше танымал туынды орындайды. Дирижер ретінде Зубин Мета өнер көрсетеді. Сондай-ақ, Эрмитаж қорының көрмесі де ұйымдастырылады.
Бұдан бөлек, Ислам өнері музейі жинағынан «Сұлтан Бейбарыс және оның дәуірі» атты көрме өтеді. Ал, тамыз айында «Turkvision» эстрада конкурсы жоспарланып отыр.
Азамат НҰҒЫМАНОВ
