Жаңалықтарды Telegram арнамыздан оқыңыз!«ЭКСПО-2017» халықаралық көрмесі аясында Димаш Құдайбергеннің үлкен концерттік бағдарламасы болады. Кеш 27 маусым күні «Сарыарқа» республикалық велотрегінде өтеді деп жоспарлануда.
Осыған дейін Димаш журналистерге берген сұхбатында «Биыл маусым айында Қазақстанда ЭКСПО-2017 халықаралық көрмесі ашылады. ЭКСПО көрмесі тұңғыш рет Орталық Азия елінде өткізіледі. Барлықтарыңызды Қазақстанға келіп, ЭКСПО көрмесін тамашалауға, қазақтың әсем табиғатын көруге, дәмді тағамдарынан ауыз тиюге шақырамын. Бәрі сәтімен болса, мен аталмыш көрмеде ән айтатын боламын», - деген еді.
Сонымен қатар, 6 шілдеде «Астана арена» стадионында атақты әнші Рианнаның концерті өтеді деп күтілуде.
