Пәкістанда жаңбырлы маусымнан кейін болған тасқын салдарынан айыға алмай отыр - «Qazaqstan» Ұлттық телеарнасы

Пәкістанда жаңбырлы маусымнан кейін болған тасқын салдарынан айыға алмай отыр

03.10.2022

Пәкістан тамыз-қыркүйек айындағы жаңбырлы маусымнан кейін болған тасқын салдарынан айыға алмай отыр. Ауруханалардың жедел жәрдем бөлімі науқастарға лық толы. Олар - тасқыннан кейін белең алған безгек тәрізді өзге де жұқпалы ауруларға шалдыққан. Зардап шеккендерге күні-түні көмек көрсетіп жатқан дәрігерлер де әбден қажыған. Соңғы деректерге сүйенсек, Пәкістанда тасқыннан 1600-ден аса адам қаза тапқан. Жүздеген мың тұрғын уақытша палаткаларда тұрып жатыр. Жүздеген шақырым қашықтыққа тараған тасқын суының тартылуына жарты жыл уақыт кетуі мүмкін. Күн суый бастауы да жағдайды ушықтыра түсетіні анық. Онсыз да экономикасы нашар елге табиғи апаттан 30 млрд доллар шығын келген.

Арай Төлегенқызы


Хабарламаларға жазылу