Путин Запорожье және Херсон облысының тәуелсіздігін мойындады

Ресей президенті Владимир Путин Украинаның Запорожье және Херсон облысының тәуелсіздігін мойындау туралы жарлыққа қол қойды. Мұны Ресей ақпарат агенттіктері хабарлады.

Осылайша, Кремль басшысы көрші елдің тағы екі аймағын Ресейге қосуға қадам жасап отыр. Путин Украинаның 4 облысының аннексияланғанын бүгін жариялайды. Тағы бір сөзінде Путин мобилизация бойынша әскерге «қателікпен» шақырылғандардың кері қайтарылуы керектігін атап өтті.

Ал АҚШ президенті Джо Байден Украинаның Ресей басып алған территорияларының тәуелсіздігін ешқашан мойындамайтынын ескертті. Сонымен қатар, оның мәлімдеуінше, Вашингтон қазір одақтастарымен бірлесіп, Мәскеуге қарсы жаңа санкциялар әзірлеп жатыр.

Арыстан Рысбек