Жаңалықтарды Telegram арнамыздан оқыңыз!Түркияда өтетін IV Дүниежүзілік көшпенділер ойынына ел атынан 49 спортшы барады. Ұлттық құрама ойыншылары көкпар, жамбы ату, садақ, күрес, көкбөрі секілді 5 спорт түрінен додаға түспек. Бұл туралы бүгін өткен баспасөз мәслихатында айтылды. Дүниежүзілік көшпенділер ойындары 29 қыркүйекте басталады. «Ұлттық құрамадағы биылғы ерекшелік – ел намысын нәзік жандар да қорғайды», - дейді мамандар.
Бақдәулет Сәбитов, «Ұлттық және ат спорты түрлері орталығы» РМҚК директоры:
Биылғы жылдан бастап үш салмақта ерлер, үш салмақта әйелдерге бізге квота беріп отыр. Біз соған ұлттық құраманы жасақтап алып бара жатырмыз. Әлемнің мықтылары жиналады. Сол жерде біздің бұрымдыларымыз да күресіп жеңіске жетеді деген үміттеміз.
