Сарапшы: Президентті 7 жылға сайлап бір реттік мерзіммен шектеу маңызды

Қазақстандағы президенттік институтты реформалау керек. Бұл ретте мемлекет басшысын 7 жылға сайлап, бір реттік мерзіммен шектеу маңызды. Бұл тақырыптағы жиынға құқықтану және заң шығару саласының жетекші сарапшылары қатысып, саяси өзгерістерді талқыға салды. Мемлекет басшысы өзінің өкілеттігіне сүйене отырып, жаңа саяси бағыт іздеуге, қажет болған жағдайда бұрын қабылданған шешімдерді жаңартуға құқылы дейді сарапшылар.

Ударцев Сергей, заң ғылымдарының докторы:

Президент қазіргі жағдайда саяси жаңғыру мен саяси реформалар бағыты жүзеге асырылып жатқанын ашық жариялады. Менің ойымша, Мемлекет басшысы сайлауға баруға дайын екенін және Президенттікке кандидаттар арасындағы бәсекелестіктен қорықпайтынын көрсетіп отыр. 7 жылдық мерзім Президент белгілеген мемлекеттік басқару, әлеуметтік - экономикалық және саяси мәселелерді шешу реформаларын теңдестіруге мүмкіндік береді.