Жаңалықтарды Telegram арнамыздан оқыңыз!Өрт салдарынан келген шығын есептеліп, зардап шеккен азаматтарға тиісті көмек беріледі. Аманқарағайдың тұрғындарымен кездескен облыс әкімі Архимед Мұхамбетов осылай деп мәлімдеді. Әзірге 1800-ден аса адам қауіпсіз жерге көшірілген. Бұл Озерное, Аманқарағай ауылының солтүстік аумағынан, Калинино, Лесное елдімекенінен жеткізілген азаматтар.
Архимед Мұхамбетов, Қостанай облысының әкімі:
Қазір барлық отбасын аралап, жағдайларыңызды біліп, өрт сөндіріліп, жағдай тұрақталғаннан кейін арнайы комиссия барлық шығынды санайды. Оған уайымдамаңыздар. Әрбір отбасыға, балаларыңызға көмек көрсетіледі. Ең бастысы уайымдамаңыздар, психологтар, дәрігерлер бар көмек керек болса. Осы жерде бірнеше күн боласыздар.
Зардап шеккен тұрғындар Әулиекөл ауылының екі орта мектеп мен интернатқа жеткізілді. Ауыз су, тамақпен қамтамасыз ету мәселесі де шешілді. Төтенше жағдайлар министрі Юрий Ильин көрші облыстардан да көмек келгенін айтты. Мобильді топ құрылған.
Юрий Ильин, ҚР Төтенше жағдайлар министрі:
Жағдай бақылауда. Өрт аумағы қазір шамамен 9 мың гектардан асады. Аэроғарыш арқылы түсірілім жүргізіліп, өрттің нақты аумағы анықталады. Арнайы комиссия бар. Азаматтардың бәріне қажетті көмек көрсетіледі.
Ақерке Бектас
