Үкіметтің алдында үлкен міндет тұр

Жолдауда айтылған маңызды мәселелелерді жүзеге асыруда Үкіметтің алдында үлкен міндет тұр. Десе де, саяси партиялар, депутаттар, мен сарапшылар қолдау танытып, бірлесе орындауы тиіс. Бүгін Орталық коммуникация алаңында бас қосқан сарапшылар осылай деді. Олардың пікірінше Президент түбегейлі өзгерістерге бет бұрды. Енді сапалы түрде іске асыру қажет. Мәселен, мамандар жаңа экономикалық саяси бағдарлардан бастап, Жолдаудағы инфрақұрылымды дамыту, жаңа ұлттық жобалар, аз қамтылған отбасыларға қолдау, ана мен балаға ерекше демеу сынды бірқатар бағыттың ерекшелігіне тоқталды.

Бақытгүл Хамбар, экономикалық зерттеулер институты тұрақты даму мақсаттары жөніндегі хатшылықтың директоры:

Біздегі негізгі мәселе – аналарға бір жасқа дейін жәрдемақы төленеді де, 3 жасқа дейін үйіңізде отыруға болады дейді. Отбасының табысы, баланың әл-ауқаты ескерлмейтін. Біздің Президентіміз баладан зейнеткерлік жасқа дейін барлық азаматтардың басындағы проблемаларды шолып өтті.