Президент: Әкімдер азаматтармен кері байланысты күшейтуі қажет

Қасым-Жомарт Тоқаев облыстардың, Нұр-Сұлтан, Алматы, Шымкент қалаларының әкімдерімен жиын өткізді. Кеңесте өңірлердің дамуы мен өзекті проблемалары талқыланды. Сонымен қатар Жолдауда жүктелген міндеттерді жүзеге асыруға ерекше назар аударылды. Президент Үкімет пен әкімдерге елдің әлеуметтік мәселелерін жедел реттеу және халықтың әл-ауқатын арттыруға бағытталған шаралар қабылдауды тапсырды. Әрі өңір басшыларына жылыту маусымына дайындықты күшейтуді және күзгі егін жинау науқанын жоспарға сай сапалы орындауды жүктеді. Сонымен бірге Мемлекет басшысы әкімдердің азаматтармен кері байланысты күшейтуі қажет екенін атап өтті.