Кубадағы мұнай резервуарлары әлі жанып жатыр

Кубаның Матансас қаласындағы мұнай терминалының үшінші қоймасы жанып, төбесі опырылып түскен. Лапылдаған жалын бұған дейін отқа оранған екінші резервуардан тарады. Өткен аптада бұл өртті сөндіруге Мексика мен Венесуэладан көмек шақырылды. Алайда жексенбі күні кешкісін екінші қойма қайта жана бастаған. Қазір төртінші резервуарға да қауіп төніп тұр. 

Айта кетсек, бұл Бостандық аралында соңғы он жылда болған ең үлкен мұнай апаты. Одан 1 адам қаза тауып, 14-і жоғалып кетіп, жүзден астамы жараланған.