Жаңалықтарды Telegram арнамыздан оқыңыз!Израиль мен палестиналық «Ислам жиһады» атысты тоқтатуға келісті. Бұл ымыра өткен түні жергілікті уақытпен сағат 23:30-да күшіне енді.
Қақтығыс жұма күні Газада «Ислам жиһадының» жоғары шенді қолбасшысы өлтірілгеннен кейін басталды. Ал сенбіде Израиль осы ұйымның тағы бір басшысын мерт қылған.
Әскери жанжал барысында Израиль армиясы Газаға соққы берді. Бұған ашынған қарулы ұйым Израиль қалаларына жүздеген зымыран жіберген.
Соңғы мәліметке қарағанда, Израильдің шабуылдарынан Газада 43 палестиналық қаза тапты. Олардың жартысына жуығы - бейбіт тұрғындар. Құрбандардың ішінде балалар да бар.
Арыстан Рысбек
