Президент «Қазмұнайгаз» төрағасын қабылдады

Келер айда Атырауда поли-пропилен шығаратын зауыт іске қосылады. Сонымен қатар химия өнеркәсібі үшін маңызды полиэтилен және бутадиен өндіретін кәсіпорындардың құрылысы жүріп жатыр. Бұл туралы президент қабылдауында болған "Қазмұнайгаз" ұлттық компаниясының басшысы айтты. Мағзұм Мырзағалиев Мемлекет басшысына Маңғыстау облысында әлеуметтік тұрақтылықты сақтау үшін жүргізіліп жатқан жұмыс жөнінде есеп берді. Кездесу соңында Қасым-Жомарт Тоқаев инвестициялық жобаларды уақтылы іске асыру және әлеуметтік тұрақтылықты қамтамасыз ету жөнінде бірқатар тапсырма берді.