Жаңалықтарды Telegram арнамыздан оқыңыз!Алматыда заңсыз салынған тұрғын үйді сүру басталды. «Шұғыла» ықшам ауданында бой көтерген 12 қабатты кешенді бұзу жөнінде сот шешімі күшіне енді. Заңсыз құрылыс бойынша шағым сол маңдағы көршілерден келген. Тексеріс барысында нысанның негізсіз бой көтергені белгілі болып, компания иесіне әкімшілік шара қолданылды. Оған өздігінен демонтаж жұмыстарымен айналысу тапсырылған. Алайда, кәсіпкер сот шешімін елемеді. Сол себепті, үйді мәжбүрлі түрде бұзу шаралары кәсіпкердің есебінен жүргізіліп жатыр. Айта кетейік, Алматыда құрылыс басқармасының келісімінсіз соғылған 14 мыңдай құрылыс нысаны бар.
Медет Абаев, қала құрылысын бақылау басқармасының аудандық бөлім басшысы:
Меншік иесі Артехнос компаниясымен сәулет жоспарлау тапсырмасын алмай, эскиздік жоба келісілмей, жобалық- сметалық құжаттамаларсыз басталғаны анықталды . Осыған сәйкес, әкімшілік шара қолданылып, заң бұзушылықты жою жөнінде нұсқама берілді.
Фариза Мұсақызы
