Қарағанды облысында жол апатынан екі адам мерт болды

Қарағанды облысында жол апатынан екі адам мерт болды.

«Балқаш-Сарышаған» күрежолында 61 жастағы ер адам көлік тізгініне ие бола алмай аударылған. Салдарынан 57 жастағы әйелі екеуі қайтыс болды. Қазақстанда жол апатынан қаза тапқандар биыл күрт көбейді. Өткен жылмен салыстырғанда кісі өлімі 22,6 пайызға артқан.

Жыл басынан бері 5 мыңдай жол көлік оқиғасы болып, жарақат алғандар мен қаза тапқандар саны өсіп отыр. Жол апаты әсіресе Алматы, Жамбыл, Түркістан, Батыс Қазақстан мен Қарағанды облыстарында жиілеген.