Жаңалықтарды Telegram арнамыздан оқыңыз!Қызылорда облысында жыл басынан бері 20 миллион теңгеге салынған сапасыз асфальт сүріліп, қайта төселді.
«Жол активтерінің ұлттық сапа орталығы» мекемесінің мамандары облыс жолдарына 170-ке жуық тексеру жүргізіп, ішінара алынған 508 сынама зертханалық зерделеуден өткен. Нәтижесінде, 63 жол құрылыс материалы нормативтік талаптарға сай болмай шықты. Ал аспаптық тексеру барысында, 200-ден аса ақау анықталған. Бүгінде мердігерлер мен тапсырыс берушілерге ескертпе хаттамалар жолданып, кемшіліктерді түзету бойынша жұмыстар жүріп жатыр.
Ержан Усманов, «Жол активтерінің ұлттық сапа орталығы» ҚОФ бөлім басшысы:
Жалпы біраз кемшілік анықталды. Мысалы, жолдың қалыңдығы және алынған асфальт сынамаларының талапқа сай келмеуі. Және жолға салынған асфальт бетон жамылғыларында құрылыс нормаларының сақталмауы, оның ішінде тығыздық коэфиценттері бар.
