Қызылорда облысында есірткі алқабы өртелді

Қызылорда облысы, Жалағаш ауданында полицейлер далалық жерде жасырын қарасора өсірген тұрғынды ұстады. Есірткі алқабы Аққыр ауылының маңындағы «Қызыл шұқыр» учаскесінен табылған. Қалың шеңгел арасындағы алқапта бір мыңнан астам түп сора егілген. Тексеру барысында, сондай ақ су айдайтын қондырғы мен жертөле табылды. Ал сол жерде қолға түскен аймақ тұрғыны қарасораны күтіп, баптап отырған. Құқық қорғаушылардың көзінше есірткі алқабы өртелді. Қазіргі таңда күдікті қамауға алынып, қылмыстық іс қозғалды.