Қасым-Жомарт Тоқаев Қырғызстан Президентімен телефон арқылы тілдесті

Қасым-Жомарт Тоқаев Қырғызстан президентімен телефон арқылы тілдесті. Садыр Жапаров жалпыхалықтық референдумның сәтті өтуімен құттықтап, дамудың жаңа кезеңіне қадам басқан Қазақстанға жылы лебізін білдірді. Ал мемлекет басшысы құттықтағаны үшін және Қырғызстан бақылаушыларының референдумға белсенді қатысқанына ризашылығын білдірді. Әрі тараптар жақында Бішкекте өткен келіссөздердің нәтижесі қазақ-қырғыз қарым-қатынастарын дамыта түскенін атап өтті.