Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Қырғызстан Президенті Садыр Жапаровпен телефонмен сөйлесті. Қырғызстан Президенті Қасым-Жомарт Тоқаевты туған күнімен құттықтап, оған зор денсаулық және Қазақстан халқының игілігі жолындағы аса жауапты мемлекеттік қызметіне табыс тілеген. Әңгімелесу барысында қазақ-қырғыз стратегиялық серіктестігінің дамуы талқыланды. Осы ретте Қазақстан Президентінің Қырғызстанға жоспарланған ресми сапарына ерекше назар ауды. Президенттер алдағы уақытта өтетін жоғары деңгейдегі келіссөздердің, екіжақты ынтымақты нығайтуға тың серпін беретініне сенім білдірді.
Сәбит Әлдебай
