Өскеменде тұрғын үйде газ жарылып, бір адам ауруханаға жеткізілді

Өскеменде 5 қабатты тұрғын үйде газ жарылып, 1989 жылғы ер адам ауыр хәлде ауруханаға жеткізілді. Оқыс оқиға бірінші қабаттағы пәтерде құрылыс жұмыстарын жүргізу кезінде болған.

Дүмпудің қатты болғаны соншалықты, 1-қабаттан 5-қабатқа дейінгі шынылар сынып, пәтерлердің бөлмеаралық қабырғалары қақырып, есіктері зақымданған. Төтенше жағдай департаменті қызметкерлері жарылыс болған үй тұрғындарын қауіпсіз жерге көшірді. Қазір оқиға орны тексеріліп жатыр.