Жаңалықтарды Telegram арнамыздан оқыңыз!Шығыс Қазақстан облысы Зайсан ауданында жергілікті тұрғындар ежелгі сақ қорғандарын тонап жүргендерді қолға түсірді. Ауыл азаматтарының пайымдауынша олар Шілікті маңында «Алтын адам» табылған қорымдарды рұқсатсыз қазған. Ұсталғандардың көліктерінде жер қазатын құралдар мен метал іздейтін құрылғылар табылған. Арасында сол маңда тұратындар мен Өскемен қаласынан келгендер бар. Соңғы 1-2 жылда темір дәуіріндегі қорғандырдың денін белгісіз біреулердің аяусыз қопарып кетіп жүргенін Ақжар ауылының тұрғындары да байқаған. Қаскөйлер көне зираттарды ашып, табыт ағаштары мен адам сүйектеріне дейін сыртқа шашып тастаған.
Ержан Жақып
