Ұлттық музей директоры Арыстанбек Мұхамедиұлы 2 айға қамауға алынды

Ұлттық музей директоры Арыстанбек Мұхамедиұлы екі айға қамауға алынды. Мұны бүгін Сыбайлас жемқорлыққа қарсы іс-қимыл агенттігі хабарлады. Қазір 146 млн теңге бюджет қаражатының жымқырылуына байланысты тергеу жүріп жатыр. Бұл қаржы «Алтын адамның әлем музейлеріне шеруі» халықаралық көрмесін өткізу үшін 2017 жылы бөлінген. Бұрынғы мәдениет және спорт министрі Арыстанбек Мұхамедиұлының үйі мен музей ғимаратында тінту болғаны жөнінде ақпарат 16 мамырда шыққан.

Кейін Мұхамедиұлы жала жабылып отырғанын айтып, Президентке үндеу де жолдаған еді. Арыстанбек Мұхамедиұлы 2014-2019 жылдары мәдениет және спорт министрі болған. Одан кейін Ұлттық музейге директор болып тағайындалды.