Жаңалықтарды Telegram арнамыздан оқыңыз!
Маңғыстау облысында жол апатына ұшыраған екі баланың жағдайы ауыр. Олар аудандық ауруханадан санавиациямен Ақтау қаласына жеткізілді. Дәрігерлердің мәліметінше, қыздың жамбас сүйегі сынған, қазір травматология бөлімінде жатыр.
Ал ер бала жансақтау бөлімінде жатыр. Оның басына қан құйылған, жағдайы өте ауыр, аппартпен тыныс алуда. Айта кетейік жол апаты кеше «Шетпе-Сайөтес» тас жолының 268 шақырымында болды. Сайөтес ауылының мектеп бітіруші түлектері соңғы қоңырау шарасынан кейін көлікпен қыдырып шыққан.
17 жастағы бозбала тізгіндеген жеңіл автокөлік аударылып, 7 түлек зардап шекті. 5 бала қазір Шетпе ауылында аудандық ауруханада ем алуда. Осы дерек бойынша тергеу басталды.
Аягөз Оралбайқызы
