Жаңалықтарды Telegram арнамыздан оқыңыз!Елордада ерлікпен қаза тапқан әділет полковнигі Арман Қапезовке арналған стелла ашылды.
Оңтүстік өңірдің әскери прокуроры өткен жылдың тамыз айында Жамбыл облысы Байзақ ауданындағы әскери бөлімде оқ-дәрі жарылған кезде мерт болған еді. Ерлігі мен қайсарлығы үшін Мемлекет басшысының Жарлығымен, Арман Қапезов қайтыс болғаннан кейін, I дәрежелі «Айбын» орденімен марапатталды. Ал Тараз қаласында опат болған әскерилердің құрметіне былтыр мемориалдық тақта ашылған. Ерлікпен көз жұмған Арман Қапезов прокуратурада 24 жыл қызмет етті. Артында 4 баласы қалды.
Дауылбай Қапезов, А.Қапезовтің ағасы:
Әріптестері, Бас Прокуратура, Қазақстанның Әскери прокуратурасы бүгін құрметтеп, ерлігін бағалап ескерткіш ашып отыр. Үлкен мәртебе бізге. Дүниеден жас өтті, бірақ артынан осындай із қалдырды. Мәңгілік із, жас ұрпаққа тәрбие.
