Жаңалықтарды Telegram арнамыздан оқыңыз!«Талибан» Иранмен арадағы шекарада қорғанысты күшейтіп, арнайы күштерін шоғырландырды. Бұған Иран мен Ауғанстан шекарасында жағдайдың шиеленісуі себеп. Тәліптер болса, осы маңға Иранның танкілері, брондалған машиналары мен тікұшақтары жіберіліп жатқаны туралы бейнеролик таратты. Кейін Тегеран бұл видеолардың шындыққа жанаспайтынын мәлімдеді. Айта кетері - Иран мен Талибанның шекара күзетшілері арасында өткен аптада қақтығыс болған. Осыған орай өткізу пункті уақытша жабылды. Тәліптер билікке келгелі екі жақтың шекарашылары арасында жанжал бірнеше мәрте тіркелген.
Арай Төлегенқызы
