Әлемнің 12 мемлекетінде балалар арасында белгісіз гепатит ауруы тарай бастады

Әлемнің 12 мемлекетінде балалар арасында белгісіз гепатит ауруы тарай бастады. Бұны Дүниежүзілік денсаулық сақтау ұйымы хабарлап отыр. Оның дерегінше, жаңа ауруға 169 жеткіншек шалдыққан. Солардың 114-і Ұлыбританияда тіркеліпті. Және де бұрын кездеспеген гепатит Испания, Италия, АҚШ, Ирландия, Нидерлынды, Норвегия, Франция, Румыния, Бельгия, Данияда да анықталды. Науқастардың жасы - бір айдан 16-ға дейін. Олардың 17-сіне бауыр трансплантациясы қажет болып отыр. Ауырған балалардың организмінен гепатиттің кең тараған бес вирусының ешқайсы табылмады. Және де олардан іш өту, құсу тәрізді симптомдар көбірек байқалған.

Арыстан Рысбек