Халық әртісі Роза Бағланованың 100 жылдық мерейтойы туған жерінде жалғасын тапты

КСРО және Қазақстанның Халық әртісі Роза Бағланованың 100 жылдық мерейтойы туған жерінде жалғасын тапты. Ән падишасы атанған өнер иесінің есімі ұлықталып, Қызылорда қаласының төрінен еңселі ескерткіші ашылды.

Орталық алаңда орнатылған ескерткіштің биіктігі 5 метр. Мүсін қоладан құйылған. Қазақтың бұлбұл әншісінің сахнада тұрған сәті бейнеленген. Тарихи сәтке көппен бірге Роза Тәжібайқызының ұлы мен келіні де куә болып, халықтың ыстық ықыласына бөленді. Сырдың талантты тумасының мерейтойы «Ақмаңдайлым» атты республикалық ән байқауына ұласты.

Марал Бағланова, Р.Бағланованың келіні:
Тебіреніп тұрмын. Көптен күткен күніміз. Мен ойлаймын бұл ерекше өйткені апамның туған жері, кіндік қаны тамған жері. Халқына рақмет. Өйткені, қазақ бар жерде Роза Бағаланова мәңгі болады деп ойлаймын.

Әділбек Серікұлы