Жаңалықтарды Telegram арнамыздан оқыңыз!Алматы-Самарқан бағытындағы әуе рейстері жақында қайта жанданады. Бұл туралы Азаматтық авиация комитетінің өкілдері мәлімдеді. Қазір «FlyArystan» компаниясы Алматыдан Самарқанға аптасына екі рет тұрақты емес рейстер ұйымдастырып жатыр. Осыған дейін басқа компания сатқан билеттердің ақшасы жолаушыларға толығымен қайтарылады. Ұшақтардың қатынауы екі ел арасындағы 1994 жылғы әуе қатынасы және әуе көлігі саласындағы ынтымақтастық аясында жүзеге асырылып келеді. Қазір Индустрия және инфрақұрылымдық даму министрлігі орын алған жағдайды реттеу үшін Өзбекстан тарапына хат жолдады.
Хамит Нұрсұлтан, ҚР ИИДМ Халықаралық әуе қатынасын реттеу басқармасының бас сарапшысы:
Қазақстандық тарап жағдайды шешу үшін келіссөздерді өткізу үшін сәуір айының соңында немесе мамыр айының басында ұсыныс берді. Қазіргі кезде Өзбекстан тарапынан жауап күтілуде.
