Оралда тұрғындардың дүние-мүлкін тонаған ұрылар ұсталды - «Qazaqstan» Ұлттық телеарнасы

Оралда тұрғындардың дүние-мүлкін тонаған ұрылар ұсталды

19.04.2022

Оралда жалпы сомасы 4 млн теңге болатын ақша, алтын бұйымдарын үптеп кеткен атыраулық гастролёр-ұрылар ұсталды. Әуелі екі азамат Деркөл кентіндегі жер үйдің пластикалық терезесін сындырып кіріп, 1 млн теңге мен алтын әшекей, ноутбукты қолды еткен. Кейін Зашаған кентіндегі зейнеткердің үйінен 240 мың теңгемен қоса, 100 евро, алтын бұйымдар, тұрмыстық техниканы ұрлаған . Жедел іздестіру барысында 24 және 25 жастағы күдіктілер ұсталды. Ұрланған мүлік ішінара тәркіленді. Қылмыстық іс қозғалды.

Ардақ Мұратқызы


Хабарламаларға жазылу