Бизнес орталығын тонаған ұрылар ұсталды

Алматыда ірі бизнес орталықтары мен пәтерлерді тонап жүрген қылмыстық топ ұсталды. Олар Алмалы мен Медеу аудандарындағы 3 үлкен ғимараттан қомақты қаржыны қолды қылған.

Құзырлы органдардың мәліметінше, 4 адамнан құралған топ осыған дейін қылмыстық жауапкершілікке тартылған Шығыс Қазақстанның тумалары. Олардың жастары 25 пен 40 аралығында. Аталған қылмыстық топтың ауқатты тұрғындар пәтерлерін тонаумен айналысқаны да анықталды. Ұрылар көздеген нысандарын ғаламтор арқылы зерттеп, бүге-шүгесіне дейін толыққанды ақпарат алып отырған.

Қазіргі таңда қылмыстық жолмен сатып алынған екі көлік пен 45 000 долларға жуық қаржы тәркіленді.